Vom 10.1.-15.1.2006 isch in Utrecht d'Feriemäss gsi und Schwiz Tourismus het au e sehr e grosse Stand dört gha wo fascht alli Regione vertrette gsi sin. Ich ha chöne am Mittwuch am Stand si und d'Lüt e chli berote. Das het mega Spass gmacht und ich ha vor allem au viel Lüt kenneglernt vo allne Tourismusregione in dr Schwiz. Zersch hani jo chli Angst gha dass ich das doch gar nit cha, so viel weiss ich jo sälber au nit über d'Schwiz, aber es isch denn gar kei Problem gsi. Ich ha d'Lüt eifach miesse zum entsprechende Stand schicke, oder ihne die passende Katalög geh, oder se notfalls an unser Callcenter verwiese wo sie alles chöne froge und au no Broschüre bstelle. Damit ihr no e chli e Idruck händ wie das öbbe usseht, do no es paar Föteli.
 |
 |
 |
 |
 |
 |
 |
