Am 1. Februar 2006 hän mir scho unser ersts WG ässe gha. D'Juliane het ursprünglich welle füre Daay koche (das macht sie ame wil sie si Internet-Aschluss dörf mitbenutze) und denn het sie uns drei spontan au gfrogt ob mr Luscht hän zum mitässe und es hän alli Zit gha! Mega gmietlich gsi zum alli mol chli kennezlerne und vor allem isch es au mis erste Sushi gsi. Und... ich has ächt gern gha! Ok, die wo chli viel vo dr scharfe Sauce dinne gha hän, hän mr nit so gschmöckt, aber suscht isch es ächt fein gsi. Und vor allem isch es e mega gmietlichs Ässe wenn me mehreri Lüt zäme ässe. Und ich ha die Glägeheit grad packt zum vo allne es Föteli z'mache, damit ihr au sehnd mit wem ich zäme wohn. Es gäbt jo eigentlich 6 Zimmer, aber s'einte isch momentan leer.
 |
Eso hets usgseh bevor mr alli drüber hergfalle sin :-) ich ha übrigens mit Stäbli miesse ässe, ha mi aber gar nit so dumm drmit agstellt :-) |
 |
und do sin alli zäme druf, d'Juliane luegt grad e chli bös... |
 |
das isch d'Anja, sie studiert öbbis sozials in Dütschland und macht do es Praktikum mit Junkies. Leider goht sie am 13. März au scho widr heime. |
 |
das isch d'Juliane (jetzt lacht sie au). Sie studiert do Physiotherapie. Es git äxtra für Usländer e Studiegang uf Englisch. Im Summer isch sie eigentlich fertig mit em Studium, aber ich hoff, dass sie no e chli länger do blibt. Mit ihre gangi ame go Salsa tanze. |
 |
Das isch dr Daay, dr einzig wirklichi Holländer uf unserem Stock. Er wohnt sit 8 Joor in däm Studentewohnheim (wow!) und isch immer do wenn me mit öbbisem Hilf brucht. Vorussichtlich zieht er im Juni us... was ich mega schad find. Hän scho e paar mol zäme kocht was notürlich viel gmietlicher isch als elei z'ässe. |
 |
Das isch dr Ray. Er chunnt ursprünglich us Curaçao, e holländischi Insle in dr Karibik. Drum het er au e holländische Pass, cha aber besser Englisch als Holländisch. Er isch mitti Januar izoge und drum genau wie ich e Neuling in dr WG :-) |
