Rotterdam

Am Samstig am 8.7.2006 bini zäme mit dr Saskia uf Rotterdam zum e chli d'Stadt aluege und au e chli go shoppe. Es het mr mega gfalle, Rotterdam isch ganz anderscht als Amsterdam. Im 2. Weltkrieg isch die ganzi Stadt zerstört worde und drum hets jetzt viel neui und moderni Gebäude und isch nit eso "traditionell" wie Amsterdam. Drum findis mega schön zum a luege, und me het au ganz andersch als in Amsterdam wirklich s'Gfühl, inere grosse Stadt z'si. Ich glaub drum würdi au nit unbedingt welle dört wohne. Abr mir isch ufgfalle, dass Amsterdamer sehr vo ihrer Stadt überzügt sin, und d'Rotterdamer sehr vo ihrer. Beidi sage zwar die ander Stadt isch toll, abr ihri isch halt doch no e bitzli besser :-) aber wie au immer, ich ha e tolle Tag gha in Rotterdam!

	Das isch e bekannti Brug in Rotterdam, ich weiss leidr dr Name nümi
	und do no vo dr andere Site
	e anderi lessigi Brug
	und das isch die alti Brug wo friener d'Isebahn drüber gfahre isch
	das Hus het mr gfalle
	e kline Hafe und drhinter voll die moderne Hüser
	voren gmietlich, hinde Grossstadt
	alli Gebäude hän öbbis speziells an sich
	hm, ich glaub die Bewohner bruche speziell agfertigti Möbel
	isch jetzt das e Brug gsi odr nit? Seht uf alli Fäll lessig us
	Das isch e Tramhaltestell
	E härzigs Wohnviertel, wenn nur die Gracht nit so grien wär
	bi dere Kirche simr zuefällig dra vrbi gloffe
	do gohts abwärts zum Shoppingparadies :-)
	e gmietlichi Gracht in dr Mitti vonere Hauptstross