In Middelburg bi dr Natascha

Endi Januar bini endlich widr emol bi dr Natascha uf Bsuech gange. Zwar nur 1 Tag, abr dä isch drfür mega schön gsi. Mir hän super Wätter gha und sin mit dr Zara e chli go laufe. Und ich ha notürlich dr Natascha und em Zjecky ihres neue Badezimmer bewunderet. Es isch zwar nonig ganz fertig, aber ich glaub das wird super! Mir hän e mega schöne Tag gha und mini Schmelzbrötli woni backe ha sin au schnell ewäg gsi :-)

	Ok, das isch no es Föteli vom Oktober woni dört gsi bi. Aber ich ha dismol gar kei Föteli mit dr Natascha, drum het das do au ine miesse!
	und damit me seht wie gross d'Zara scho worde isch, do au no es Föteli vom Oktober vo ihre.
	So und jetzt d'Föteli vom 29.1.2006. Do simr grad parat zum go spaziere!
	Do ligt d'Zara mit ihrne strahlend blaue Auge uf ihrem Bär wo so schön Lärm macht wenn sie ihres Fudi lüpft und widr gheie loht :-)
	hm, was macht ächt d'Jenny do???
	...mol beobachte...
	me chönnt doch meine do vrsuecht sie scho z'winke :-)
	und blumps... quitsch...
	Und do no dr Natascha ihri Chatze... das wäri d'Bowie, e Chatz durch und durch mit ihrem eigene Kopf :-)
	Und do no dr Kater im Hus, dr Voudan wo sich am liebste strichle loht!