6.8.-16.8.2006 in Mallorca

Juhuu, Mallorca zum zweite! Nach de 6 Täg Mallorca letzt Joor zäme mit dr Natascha hämr abgmacht gha, dass mr das Joor widr zäme gönd, abr nümi nur 6 Tag, sondern grad 10! Und das genau zur richtige Zit, nämlich denn wos in dr Schwiz widr schlecht Wätter worde isch :-) ich sag nur: "ab in den Süden" :-) Näbe de gmietliche Stranddäg hämr notürlich au no e chli öbbis unternoh. Mir sin 1 Tag go Palma aluege und denn hämr no für 2 Tag es Auto gmietet und hän d'Insle uskundschaftet. Nochdem mr letzt Joor dr Weste und Norde gseh hän, simr das Joor in Nordoste uf Formentor und in Südoste zu de Drachehöhle. Und das alles mit eme neue Fiat Panda :-) Notürlich isch au dr Usgang nit z'kurz cho. Aber das sehn dr eh grad uf de Föteli :-) D'Natascha und ich hän uf alli Fäll e super Zit gha zäme in Mallorca, mir hän schliesslich au e halbs Joor wo mr uns fast nie gseh hän miesse ufhole.

	d'Ussicht vo unserem Hotelzimmer us
	Juhuu, d'Jenny und ihri Summersprosse :-)
	äähhh... nenei, du hesch keini :-)
	Smile, Happy Hour? Uups, jenu, no gits halt e Liter Bier...
	... und 8dl Sangria :-)
	d'Wält isch klei, sogar in Mallorca trifft me no Baselländler ah. Das sin 2 vo de 4, dr Marco und dr Marco :-)
	Dr Micky Krause im Riu Palace. Wenn me in Mallorca isch, muess me dä emol gseh ha!
	Abr kei Angst, ich ha au nit gwüsst wer er isch bevor ich uf Mallorca bi :-) uf alli Fäll sin alli zimlich abgange!
	Und do hätte mr dr 3. Baselländler, dr Marc
	dr 4. isch leidr nit ufeme Föteli, het abr Michel gheisse. Do söll eine die Näme no usenander halte chöne...
	d'Nate und ich miteme Franzos und eme Südtiroler. Ui, do sin dr Jenny ihri Französisch und Italienisch Kenntnis gfrogt gsi!
	So, abr jetzt fertig Usgang (forerst), d'Natascha und ich sin e Tag uf Palma
	Die bekannti Kathedrale
	Dr Igang vo dr Kathedrale
	überem Igang
	Hm, vrsuecht d'Promenade vo Palma Genf Konkurrenz z'mache?
	Es härzigs Gässli in Palma, vo dene gits ganz viel
	e lessigs Huus
	Touristeföteli :-) d'Malle-Sisters voreme tolle Baum
	Palme, Palme, Palme :-) mir sin im Süde!!!
	Dr Hafe mit all sine tolle Yachte und Segelschiff
	So und ab gohts in Richtig Formentor
	Jäjä, das isch nit s'einzige Geissli blibe wo vor uns gmietlich über d'Stross gloffe isch
	Wow, an däm Platz hämr s'ersti Mol s'Meer gseh vo de Berge us
	Und unser Auteli het notürlich au miesse verewigt wärde :-)
	und au no mit mir, obwohl ich nit ha dörfe fahre :-( bi halt nonig 23, abr gli :-)
	Juhuuu, dr Lüchtturm vo Formentor
	Jo, so heisst er
	Ussicht ufs strahlend blaue Meer und e einsams Schiff unterwägs entlang dr Küste
	So Buchte gits ganz viel uf Mallorca
	dr einzig Tunnel wo mr unterwägs atroffe hän
	dr alti Wachturm
	Mallorca voll Felse, Berge und Hügel
	s'Endi vo Formentor wo me uf allne Karte gseht
	e beliebti Bucht für Schiff wie me seht
	Ussicht vom Wachturm obe abe
	dr Wachturm vo nöchem
	oohhh, dos zimlich spot worde wär, hämr dr Sunneuntergang nit uf Formentor agluegt, drfür hämr ganz e schöne bi uns am Strand erlebt.
	notürlich gits au no es Föteli mit mir
	byebye... eso in Sunneuntergang ine fliege muess au schön si!
	Unsere 2. Tag unterwegs mit em Auto. Mir sin in de Drachehöhle gsi, wos leider verbote isch zum Fötele. Unterwägs simr abr übr viel gradi langi Strosse gfahre.
	Dä roti Bode find ich eifach genial
	und grad nomol sone typischs Strössli
	Womit mr widr bim Usgang wäre... zwei Brüedere us Dütschland, dr Björn und dr Frank
	Dr Frank und ich
	im Bierkönig, Mallorca live...
	eini vo de jüngste Gäst im Bierkönig :-) und ich würd mol meine sie het de Gogos Konkurrenz gmacht! Jedes Lied mitgsunge und flissig ufem Tisch tanzt :-)
	Und endlich no es Föteli vo de Malle-Sisters :-) das isch am 8. oder 9. Tag, ich würd mol meine mir sehn für das no sehr fit us!
	Dr Bierkönig vo usse, zum Abschied!