Laterne hintermole

Dr Rafi molt das Joor scho sini 4. Laterne für die jungi Garde vo dr Wettstei Clique, und ich cha mit es bitzli Stolz sage, dass ich bi jedere bi go hälfe hintermole. Es macht jedes Mol mega Spass und ich ha scho Angst gha, ich chöni das Joor nit go, wil ich in Amsterdam bi. Aber ich ha notürlich mis Wucheend deheim gnutzt, und bi flissig go hintermole. Ich hoff dr Rafi isch mr nit bös, wenn ich d'Föteli drvo do uf mini Homepage tue, ich ha äxtra dr Text wäg gschnitte, damit me s'Sujet nit grad erkennt.

	das ganze Sitetürli ha ich hintermolt, es isch zwar gar nit so gross, brucht abr glich no sini Zit :-)
	dr Meister an dr Arbet... hm, ich glaub es git no viel z'tue bis an dr Fasnacht!
	und do d'Laterne vom Stamm. Ich cha sage, es seht nur so us als ob er witer isch als dr Rafi, wieso? Das finde dr am beschte an dr Fasnacht denn grad sälber use!