Hittisau zum zweite

Nochdem dr Michael am 18. September endlich nach 12 lange Wuche widr zrugg cho isch uf Amsterdam, hämr uns am Mittwuch au scho widr ufe Wäg gmacht uf Hittisau zu sinere Familie. Mir sin mit em City Night Line am Donnschtig am Morge acho und hän 3 richtig schöni Täg gha in Hittisau, au vom Wätter her. Am Donnschtig hämrs denn no richtig gmietlich gno und nit allzu viel unternoh. Am Fritig hets Zobe e Fescht geh und dr Michael het e Teil vo sine Föteli vo Costa Rica uf dr grosse Liinwand miteme Beamer zeigt und es het Gallo Pinto geh. Am Samstig simr (das heisst dr Michael, sini Eltere, dr Julian und ich) denn no go wandere. Mir sin übere untere Hirschgunte, denn übere obere Hirschgunte ufs Hirschegg gloffe (1100 Höhemeter!). Und Zobe hämr denn im Hirsche Znacht gässe :-) Denn hani no dörfe erlebe was eso abgoht bimene Summerbock. Bisher hän sie immer nur e Osterbock und e Wiehnachtsbock gha. Das isch e riese Fescht mit Bockbier (Bier mir mehr Prozent als normal) wo ame isch, wenn alli Studente wo z.B. in Wien odr Innsbruck studiere deheime sin. Also trifft me die ganze alte Lüt vo friener widr an so feschter. Und das Joor hän sie jetzt ebbe au s'ersti Mol e Summerbock gmacht. Isch e lessigs Fescht gsi, nur bi ich vom wandere absolut ko gsi!

	Michael deheime :-)
	Das mega feine Brot het dr Tony backe in sim Steiofe woner vorem Huus het, mmhhh...
	dr Julian vor em Wasserfall unterwägs uf dr Wanderig
	hm, ok ich gibs jo zue, au Östrich het schöni Berge... oder isch das öbbe d'Ussicht uf Dütschland??? ;-)
	uff, no sooooooooo wit...
	wow, vo do obe seht das scho gigantisch us, das ligt wohl am Säntis im Hintergrund :-)
	juhuu, au d'Jenny isch ufem Gipfel acho... e halb Stund spöter, abr au ich has gschafft :-) erst mol Pause!
	Ussicht vom Gipfel
	eimol ufem Gipfel aglangt, lerni au no die andere Gipfel kenne
	plumps und d'Jenny ligt im Gras, das findet dr Michael notürlich e tolls Motiv zum fötele :-)
	Berge, Berge, Berge, soweit das Auge reicht
	d'Cornelia, ich, dr Julian und dr Hans (nei, nit mi Papi, abr am Michael sine :-))
	dr Gipfel vo unde, wow, do obe bin ich gsi!!!
	stolze Julian vor sim Karteschloss, muess sage, seht nit schlecht us!