Nochdem dr Michael über Ostere bi mir gsi isch, ha ich mir Donnschtig und Fritig frei gno und bi ihn in sine Ferie in Hittisau go bsueche. Ich bi s'ersti mol mit em City Night Line gfahre, und das au no über Basel. Hän dört aber nur kurz ghalte, ha also mim deheim nit chöne hallo sage :-) in St. Galle hani denn no d'Stefanie troffe. Das hani super gfunde, dass sie so spontan Zit gha het zum abmache. Und s'Zmorge isch au mega fein gsi. Jo und denn isch mi dr Michael in St. Margrethen cho abhole. Wow, es het es paar kurvigi Strössli bis me bi ihm isch, ha grad widr Luscht becho irgendwenn doch emol no dr Töff Füehrerschiin z'mache und denne mol mit em Töff dört uffe z'fahre. In dene 3 ganze Täg hani sini Familie kenneglernt und au dr Bäcker, dr Supermarkt und d'Chäserei im Dorf. Hui, wird me do beobachtet wenn me neu isch :-) Uf alli Fäll hani e super Zit gha in Hittisau und endlich au emol widr Berge um mi ume (au wenns nit d'Schwizerbärge gsi sin).
 |
| Do sitze mr grad ufem Husberg vo Hittisau, em rote Berg. Dr Michael het so ne tolls Programm wo me cha Föteli zämesetze, und das het er do gmacht. So seht me fascht s'ganze Dorf Hittisau. S'Hus vo dr Familie Dorner :-) isch das in dr erste Hüserreihe ganz links hinter em Holzhus. |
 |
| Do simr uf Bregenz gfahre am Bodesee und obwohl s'Wätter nit mega guet gsi isch, simr notürlich trotzdem e chli am See entlang gloffe und hän d'Bühni agluegt vo de Bregenzer Festspiel. Das sich au widr es zämeghängts Föteli, die Bühni isch so gross, die hätti nit uf 1 Föteli platz! |
 |
d'Ussicht vo unerem Bänggli wo mr es Päusli gmacht hän. |
 |
Uf unserem Spaziergang rund um Hittisau, d'Bolgenach |
 |
und do grad nomol, Sicht durch d'Holzbrugg |
 |
Und do simr durch d'Schlucht gloffe, d'Engelochschlucht |
 |
smile |
 |
Die 3 Täg sin so schnell vrbi gange, dass ich gar nit drzue cho bi zum Föteli vom Michael sinere Familie z'mache. Jetzt hani halt eifach es paar Föteli vo ihm gno :-) Do wär emol dr Michael mit em Julian. |
 |
Dr Fabian |
 |
Dr Michael mit sim Mami. Vo sim Papi het er in dene Ferie leidr au kei Föteli gmacht. |
