Catherine bi mir uf Bsuech

Am Fritig am 29. September isch es endlich sowiet gsi und ich ha chöne mini Catherine am Bahnhof go abhole. Ich ha mi sooo uf dä Bsuech gfreut! Und sie het s'Privileg gha, die ersti z'si, wo mis neue deheim het dörfe gseh und au usteste notürlich. Uf alli Fäll het sie guet chöne schlofe und das isch jo scho mol nit schlecht :-)
Fritig: Zobe hani se denn grad no mitgno uf e Salsaparty. Mir sin zäme mit dr Juliane gange und es het richtig Spass gmacht. Es isch scho zimlich lang her gsi, sit ich s'letschte Mol Salsa tanzt gha ha.
Samstig: Zerscht hämr emol gmietlich usgschlofe und denn fein zmörgelet. Denn hani dr Catherine mi geliebte Märt zeigt und notürlich au e chli s'Stadtzentrum. Mir sin also sozsage dr ganzi Tag unterwägs gsi und hän alles gnosse wo mr gseh hän. Zobe simr denn no zäme mit em Michael ans Geburtstagsässe vo dr Nayeli imene mexikanische Restaurant gange.
Sunntig: Es rägnet... und wie! Mir hän uns also ufe wäg gmacht zum Verzet Museum. Es Museum wos ume 2. Weltkrieg goht und wie dr Name seit um dr holländischi Wiederstand. Isch ächt super gmacht und vor allem au spannend gsi zum emol e anderi Sicht z'gseh, e Sicht wo me in dr Schuel in dr Schwiz nit eso mitbechunnt.
Mäntig & Zischtig: An dene 2 Täg han ich leidr widr miesse schaffe. D'Catherine het sich also elei ufe Wäg gmacht zum Amsterdam z'entdecke.

	smile, abr bi däm schöne Wätter cha me jo nit andersch. Ich bi do grad an dr Prinsegracht
	das isch Amsterdam!
	e wunderschöne Spotsummertag
	e neui Stadt macht eifach mied... ich glaub unser Sofa isch bequem :-)
	ufem Wäg zu minere Hustür
	d'Ussicht vo minere Hustüre us
	am Geburtstagsässe vo dr Nayeli
	smile :-) mir zwei hübsche ;-)
	au dr Michael isch drbi gsi bim ässe :-)
	Ganz in dr Nöchi vom Museum hämr die lessigi Huswand entdeckt
	De Waag uf em Nieuwmarkt
	wie s'sich ghört simr mit de fiets unterwägs gsi, bi Sunneschiin sowie au bi Räge
	d'Fähri wo uns jede Tag ins Stadtzentrum bringt und widr zrugg uf Amsterdam-Noord
	dr Michael am erkläre
	und e schifft in Ströme
	ich glaub do würid nit welle wohne im Winter, brrrr
	typisch Amsterdam, die rote Läde und e Coffeeshop