Bag Party

Am 10. November 2006 het d'Babs zunere Bag Party glade :-) hm, Bag Party, was isch ächt das? Ich erklärs euch... am beschte ich fang ganz am Afang ah. Also, als Studente het me nit viel Geld und drum cha me sich au kei türs Kostüm kaufe zum sich für e Party z'verkeleide, was aber alli Studente immer deheime hän, sin Plastiksäck! Drum, Bag Party! Alli chöme verkleidet in Plastiksäck, und ich cha euch sage, do gits ächt super Möglichkeite und es macht ächt Spass bim vorbereite... ich bi denn imene Hawaiiröckli gange, dr Michael het sich für die edleri Variante entschiede und het e Azug inkl. Gravatte treit :-) abr fertig mit mim grosse blabla, do mol es paar Föteli!

	guete Start, mir beginne mit Fudi und Boxershorts :-)
	ehm jä, es isch witzig gsi :-)
	d'Gastgeberin in ihrem wunderschöne Ballkleid
	shake it baby... do hätte mr widr s'Fudi und d'Boxershorts, dismol am tanze :-)
	smile :-) das sin sälbergsammleti Marroni, hmmmmmm... lekker!
	Sunny und Michael :-)
	em Michael sini Lieblingsbeschäftigung, Seich mache mit Lüt wos nit mitkriege, do bindet er grad es ganzes Bündel Plastiksäck an d'Stefanie...
	ganz fescht verknüple...
	hm, das het scho e ganz schöns Gwicht!
	ohoh, ich hänge fest!!!!
	nei, au ganz fescht zieh hilft nit...
	naja guet, denn mache mrs uns halt ufem Bode gmietlich :-) holt mr öbber Bier??