Bi dr Nina + Leonie
D'Catherine het mir bevor ich uf Amsterdam bi vrzellt, dass d'Nina afangs Joor Ferie macht in Amsterdam, aber wer hätt dängt, dass ich se
doch direkt am 3. Januar zmitzt in dr Stadt atriff? Ha mi mega gfreut gha, mir sin denn zäme go Indonesisch ässe imene mega schöne
Restaurant und dr Kellner isch super nätt gsi. Er het sogar gmeint ich sig Holländerin, nochdem ich mit all mim Könne uf Holländisch
bstellt ha :-) am 4. Januar het denn d'Leonie für mi und d'Nina in ihrer Feriewohnig kocht, an dere Stell nomol meci viel mol! Ich ha
im Gegezug e Fläsche Wyy mitgno woni vom Urs becho gha ha (er isch vom Büro). Er bechunnt immer afangs Joor vo sim Stammrestaurant 2
Fläsche und do er mi am 3.1. dört hi mitgno het zum ässe, ha ich eini drvo becho! Isch wirklich no guet gsi.